7 Вись да вайӧмтор Тэныд оз ков, сотан вись да мыжысь вись Тэ он кор, но Тэ вӧчин меным пель, медым кывны.
Господьӧй, мезды, ме виччыся отсӧг Тэсянь!
Мед Енмыс виӧ менӧ, но ме лача кута, кӧсъя Сы водзын дорйысьны на.
Дзоридз моз сійӧ мыччысьлӧ да нярмунӧ, вуджӧр моз вешйӧ, оз сувтлы.
Ме тӧда керӧсвывса став лэбачсӧ, видзвывса став пемӧсыс – Менам.
Овлӧ, мый морт мырсьӧ-уджалӧ, пуктӧ та вылӧ став ассьыс мывкыдлунсӧ, тӧдӧмлунсӧ да кужанлунсӧ, а сэсся сылы лоӧ кольны ставсӧ мӧдлы, коді эз мырсьы-уджав. И тайӧ, вӧлӧмакӧ, весьшӧрӧ да ыджыд лёктор.
ӧтка мортлӧн некод абу, пиыс ни вокыс абу. Сійӧ мырсьӧ-уджалӧ, но озырлуныс сылысь сьӧлӧмсӧ оз гажӧд. «Кодлы ме уджала? – мӧвпалӧ сійӧ. – Мыйла ме ачымӧс гажӧдчӧмысь кута?» И тайӧ, вӧлӧмакӧ, весьшӧрӧ да абу буртор.
Сэки Ерусалимын вӧлі Симеон нима вежавидзысь морт. Сійӧ оліс веськыда да виччысис Израильӧс мездӧм. Вежа Лов вӧлі сы вылын.
Лачасӧ сетысь Ен мед тыртас тіянӧс нимкодьлунӧн да лӧньлунӧн эскӧманыд, медым Вежа Лов вынӧн ті зумыда сулалінныд лача кутӧмас.
