11 Господьӧй, дугды менӧ дойдавны, Тэнад нӧйтӧмысь ме куланвыйын.
Веськыда олысьяс, гажӧдчӧй да нимкодясьӧй Господьӧн! Нимкодясьӧй, веськыд сьӧлӧмаяс! Ошкӧм.
Тэ – миян выныс да ошйысянторйыс, Тэнад бурлуныд кыпӧдӧ юрнымӧс.
Сійӧ босьтіс Ас вылас миянлысь висьӧмнымӧс, нуис миянлысь дойяснымӧс. Ми чайтім, мый Енмыс дойдалӧ, нӧйтӧ да мыждӧ Сійӧс.
Сійӧс кутісны, мыждісны, нуӧдісны, нетшыштісны ловъяяслӧн му вылысь, но некод эз шогсьы, мый лоӧ Сыкӧд. Менам войтырлӧн мыжъяс вӧсна Сійӧс нӧйтісны кувтӧдзыс.
Ставыс тадзи лои, медым инісны пророк гижӧдъяс». Сэки велӧдчысьяс ставныс эновтісны Исусӧс да пышйисны.
Исусӧс кутысьяс вайӧдісны Сійӧс аркирей керкаӧ. Петыр бӧрӧ кольччӧмӧн вӧтчис на бӧрся.
Исуслӧн тӧдсаясыс ылісянь видзӧдісны ставсӧ тайӧс. Сэні вӧліны тшӧтш Галилеяысь Сыкӧд ветлысь аньяс.
Воас кад да воис нин, кор ті ставныд разаланныд, Менӧ ӧтнамӧс колянныд. Но Ме абу ӧтнам, Мекӧд Батьӧй.
