Псалтыр 22:4 - Коми Библия 2023

⁴ Ме кӧ муна весиг сап пемыд сёртасӧд, ог повзьы лёксьыс, ӧд Тэ мекӧд. Тэнад веськӧдлан да доръян беддьыд нуӧдӧны менӧ.

Псалтыр 22:4 交叉參考

Олӧм 15:6

Ӧврам эскис Господьлы, та вӧсна Господь шуис сійӧс веськыдӧн.

Олӧм 32:28

Мӧдыс шуис: «Ӧнісянь тэнад нимыд оз ло Яков, а Израиль, ӧд тэ вермасин Енкӧд да йӧзкӧд, и вермин».

2 Каднебӧг 5:13

Труба шыыс да сьылан шыыс юргисны ӧтмоза, ӧти шыӧн. Тадзи найӧ ошкисны-нимӧдісны Господьӧс. Кор кыліс трубалӧн тутсан шыыс, кимваллӧн да мукӧд ворсанторлӧн шыыс, кор пондісны сьывны-ошкыны Господьӧс: «Сійӧ бур, Сылӧн буралӧмыс оз помасьлы», сэки Господьлысь крамсӧ тыртіс кымӧр.

Петӧм 14:31

найӧ гӧгӧрвоисны, мый Ачыс Господь вына кинас вӧчис тайӧс египетсакӧд. Израиль войтырӧс босьтіс Господьысь полӧм. Найӧ эскисны Господьлы да Сылӧн Мӧисей кесйӧглы. Сэки Мӧисей да Израиль войтыр сьылісны Господьлы сьыланкыв.