5 Найӧ мед ошкасны Господьлысь нимсӧ, ӧд [Сійӧ шуис, и найӧ лоины,] Сійӧ тшӧктіс, и найӧ артмисны.
Ен шуис: «Мед лоас енэжвевт да торйӧдас васӧ». [И лои тадз.]
Тэ мӧдӧдан пемыдсӧ, пуксьӧ вой, и зверъяс петӧны кынӧмпӧт корсьны.
Войтыръяслӧн енъясыс – идолъяс, а Господь енэжъяс вӧчис.
Енэжас Сійӧ сувтӧдіс Аслыс оланін, му весьтын вынсьӧдіс Ассьыс вевттьӧдсӧ. Сійӧ чукӧстӧ васӧ саридзысь да киськалӧ мусӧ. Сылӧн нимыс – Господь!
– Господьӧй, Тэ шогман сибӧдны ошкӧм-нимӧдӧмсӧ да вынсӧ, ӧд Тэ вӧчин ставсӧ. Тэнад кӧсйӧм серти вӧчӧма ставсӧ, Тэнад кӧсйӧм серти ставыс олӧ.
