1 Ошкӧй Господьӧс, ӧд Сійӧ бур, Сылӧн буралӧмыс оз помасьлы.
Став ловъя олысьыс мед ошкас Господьӧс! Аллилуйя! Ошкӧм.
Сьылысьясӧн веськӧдлысьлы. Ворсӧны струнаа ворсанторйӧн. Псалом. Сьыланкыв.
Енмӧй, войтыръяс мед ошкасны Тэнӧ, став войтыръяс мед нимӧдасны Тэнӧ.
Разӧд найӧс тшын моз! Кыдзи сись сылӧ ӧзъялігас, сідзи лёк вӧчысьяс бырасны Ен водзысь.
И нӧшта на: – Ошкӧй Господьӧс, войтыръяс, ыдждӧдлӧй Сійӧс, став мувывса йӧз!
Господьӧй, сюрас-ӧ сэтшӧм морт, коді оз повзьы Тэысь, коді оз ошкы Тэнсьыд нимтӧ? Ӧд Тэ ӧтнадӧн вежаыс! Войтыръяс локтасны да копыртчасны Тэ водзӧ, ӧд воссис Тэнад веськыда мыждӧмыд!
Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.
