5 Саридз, мыйла тэ пышъян? Йӧрдан, мыйла тэ мӧдарӧ визувтан?
Тэ вӧчин тӧлысь, медым петкӧдлыны кадсӧ. Шонді тӧдӧ ассьыс лэччан кадсӧ.
Но Господь бырӧдас ылӧдчысьясӧс, найӧс, кодъяс ошйысьӧны,
Ӧд Тэсянь визувтӧ олӧм, Тэнад югыдад ми аддзам югыдсӧ.
Тэ кылӧдан йӧзӧс ытваӧн моз, налӧн олӧмыс вӧт кодь дженьыд, найӧ вежӧдысь турун кодьӧсь, асывнас сійӧ чепӧсйӧ-быдмӧ, а рытнас нярмӧ-косьмӧ.
Тэнад скӧралӧмысь ми бырам, Тэнад лӧгалӧмысь ми полам-тіралам.
Тэ тӧдан миянлысь лёк вӧчӧмнымӧс, Тэ аддзан миянлысь гуся мыжъяснымӧс.
Тэнад скӧралӧмысь миян лунъясным бырӧны, миян олӧмным помасьӧ ышлолыштӧм моз.
Господьӧй, енъяс пӧвстын Тэ кодьыс абу! Тэ кодь мӧдыс абу! Аслад вежалуннад Тэ нималан, Тэ – повзьӧдана да ошкана, вӧчан шензьӧданаторъяс.
Сэки лоӧ сувтӧдӧма юралан пуклӧс, юралӧмыс зумыдмас буралӧмӧн. Сэтчӧ пуксяс Давид рӧдысь збыльыс серти юралысь, веськыда мыждысь, веськыдлунсӧ вӧчысь.
Кодкӧд ті ӧткодяланныд Енсӧ, аддзанныд-ӧ нӧшта Сы коддьӧмсӧ?
Кодкӧд ті ӧткодяланныд Менӧ, эм-ӧ кодкӧ Ме кодьыс, – юалӧ вежа Ен.
Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.
Господьӧй, Тэ кодь мӧдыс абу! Тэ – ыджыд Ен, Тэнад нимыд вына.
Ешурунлӧн Ен кодь мӧдыс абу. Верзьӧма моз Сійӧ локтӧ енэжӧд, юралысь моз – кымӧръяс вывті, медым отсавны тэныд.
