4 Найӧ мыжалӧны менӧ, а ме радейта найӧс да кевмыся.
Та вӧсна, Господьӧй, кута ошкыны Тэнӧ мукӧд войтыръяс пӧвстын, кута сьылӧмӧн ошкыны Тэнсьыд нимтӧ.
Сэтысь юӧны вӧрса пемӧсъяс, сэтысь веськӧдӧны горшнысӧ вӧлявывса осёлъяс.
Керӧсъяс кутісны межъяс моз чеччавны, мылькъяс – баляяс моз.
Сет ассьыд олан туйтӧ Господьлы да лача кут Сы вылӧ, и Сійӧ тӧждысяс тэ вӧсна.
Ӧд Тэ ыджыд, Тэ вӧчан шензьӧданаторъяс. Тэ – Ен, и мӧдыс абу.
Господьӧй, чужысьяссянь чужысьясӧдз Тэ миянлы сайӧдчаніныс.
Тэнад син водзын сюрс воыс тӧрытъя кольӧм лун кодь, кар видзысьлӧн войся дӧзьӧритан кад кодь.
Кыдзи енэжыс ёна вылын мусьыс, тадзи Менам туйясӧй ёна вылынӧсь тіян туйясысь, Менам мӧвпъясӧй ёна вылынӧсь тіян мӧвпъясысь.
