3 Быд боксянь резӧны менӧ мустӧм кывъясӧн, помкатӧг усьласьӧны ме вылӧ.
Ошкӧй Господьӧс, ӧд Сійӧ бур, Сылӧн буралӧмыс оз помасьлы.
Господьӧс радейтысьяс, мустӧмтӧй лёксӧ! Сійӧ видзӧ Аслас эскана войтырлысь олӧмсӧ, мездӧ найӧс лёк вӧчысьяслӧн киысь.
Нимкодясь, Сион нылӧй, гажӧдчы, Израиль! Гажӧдчы, Ерусалим нылӧй, став сьӧлӧмсяньыд нимкодясь!
Сійӧ кадас Ме чукӧрта тіянӧс да бӧр вайӧда гортаныд. Ме нимӧда тіянӧс, и войтыръяс кутасны ошкыны тіянӧс, кор бара сета тіянлы бур олӧм. Асланыд синмӧн ті аддзанныд тайӧс, – висьталӧ Господь.
