7 Египетын оліганыс миян батьяс эз гӧгӧрвоны Тэнсьыд шензьӧданаторъястӧ, найӧ вунӧдісны Тэнсьыд ыджыд буралӧмтӧ, Гӧрд саридз дорын кыпӧдчисны Тэныд паныд.
Ме кӧртала тэкӧд да тэсянь чужысьяскӧд нэмъяс кежлӧ йитӧд, Ме лоа тэнад да тэсянь чужысьяслӧн Енмӧн.
Став шогмытӧмсӧ ме ылыста аслам син водзысь, лёк вӧчӧмсӧ ме мустӧмта, сійӧ оз ляксьы ме дінӧ.
Войтыръяс, кыпӧдӧй ошкӧм Господьлы, ошкӧй-нимӧдӧй Господьӧс,
«Ме – Господь, тэнад Енмыд. Ме петкӧді тэнӧ Египет муысь нартитӧм улысь.
Войнас менам сьӧлӧмӧй гажтӧмтчӧ Тэысь, асывнас ме пытшкын лолӧй корсьысьӧ Тэнӧ. Кор му вылас ыджыдалӧ Тэнад веськыда мыждӧмыд, сэки му вылас олысьяс велӧдчӧны веськыдлунас.
Господьӧй, сюрас-ӧ сэтшӧм морт, коді оз повзьы Тэысь, коді оз ошкы Тэнсьыд нимтӧ? Ӧд Тэ ӧтнадӧн вежаыс! Войтыръяс локтасны да копыртчасны Тэ водзӧ, ӧд воссис Тэнад веськыда мыждӧмыд!
