19 кытчӧдз эз ин Господьлӧн кывйыс, кытчӧдз Господь Аслас кывйӧн эз тӧдмав Ӧсипӧс.
Тэ ӧмӧй тшӧктін асылыслы югдыны, асъя кыалы индін, кӧні петны,
Сэки ми кутам нимкодясьны тэнад вермӧмысь, Ен нимӧн ми кыпӧдам вермӧм йылысь дӧрапас. Господь мед могмӧдас став тэнсьыд корӧмтӧ!
Челядь да морӧсбердса кагаяс вомсянь Тэ кыпӧдан Аслыд ошкӧмсӧ, медым янӧдны Тэнӧ мустӧмтысьясӧс, медым тупкыны лӧгалысьяслысь да водзӧс перйысьяслысь вомсӧ.
Господь пуктіс шонді югзьӧдны луннас, тшӧктіс тӧлысьлы да кодзувъяслы югзьӧдны войнас, Сійӧ гызьӧдӧ саридз, медым гыясыс ыджыд шыӧн бузгисны. Сылӧн нимыс – Господь Саваоф. Сійӧ тадзи висьталӧ:
Кор ті видзӧдланныд енэжас да аддзанныд шондісӧ, тӧлысьсӧ да кодзувъяссӧ – став енэжвыв вынсӧ, энӧ ылалӧй, энӧ юрбитӧй-кесъялӧй налы. Господь, тіян Енныд, лэдзис мукӧд войтыръяслы юрбитны налы.
