19 Тшӧкты пыртны лэбулӧ ыж-мӧстӧ да ставсӧ видз-му вывсьыд. Видз-му вылӧ кольччӧм йӧзыс да ыж-мӧскыс веськаласны шер улӧ да куласны».
Египет муын шерыс жугліс-бырӧдіс ставсӧ, мый вӧлі видз-му вылын: йӧзӧс, ыж-мӧскӧс, быдмӧг-турунсӧ да пуяссӧ.
Мӧд луннас Господь тадзи и вӧчис. Египетсалӧн став пемӧсыс куліс, а Израиль войтырлӧн эз кувны.
Сійӧ ачыс лоӧ мыжа аслас кулӧмысь, ӧд кыліс буксан шы, но асьсӧ эз видз. А коді асьсӧ видзӧ, сійӧ ловйӧн кольӧ.
Господьӧй, ме кылі Тэ йылысь, ме повзи Тэнад уджъясысь. Вӧч Ассьыд уджъястӧ тшӧтш миян лунъясӧ, сет бара аддзывны найӧс талун. Скӧралігад ло бур сьӧлӧма миян дінӧ.
