11 Жабаяс вешъясны тэнад керкаясысь [да видз-му вылысь], тэныд кесъялысь йӧз да став войтырыд дінысь, найӧ колясны сӧмын Нил юын».
Господь шуис Мӧисейлы: «Кор тэ воан Египетӧ, вӧч сэні фараон водзын став шензьӧданаторсӧ, мый Ме тшӧкті тэныд вӧчны. Ме чорзьӧда фараонлысь сьӧлӧмсӧ, и сійӧ оз лэдз Израиль войтырӧс.
Фараонлӧн сьӧлӧмыс чорзис, сійӧ эз кут кывзыны Мӧисейӧс да Ааронӧс. Та йылысь [налы] водзвыв висьтавліс Господь.
Господь шуис Мӧисейлы: «Фараонлӧн сьӧлӧмыс пыксьӧ, сійӧ оз кӧсйы лэдзны войтырӧс.
Мӧисей да Аарон петісны фараон керкаысь. Мӧисей шыасис Господь дінӧ, мед Сійӧ мездас фараонӧс жабаясысь.
Господь вӧчис Мӧисейлӧн корӧм серти, и жабаяс кулалісны керкаясын, йӧръясын да видз-му вылын.
Нил юыд тырас жабаясӧн, найӧ петасны сэтысь да пырасны керкаад, узьланінад, каясны вольпась вылад. Тэныд кесъялысь йӧзлӧн да став войтырыдлӧн керкаясыс тырасны жабаясӧн. Жабаяс лоӧны весиг пач пытшканыд да нянь шомӧсаныд.
Мӧисей вочавидзис фараонлы: «Ачыд инды меным кадсӧ, кор кевмысьны тэ вӧсна, тэныд кесъялысь йӧз да став войтырыд вӧсна, медым тэ [войтырыдкӧд] да тіян керкаясныд мынінныд жабаясысь, и найӧ колисны сӧмын Нил юын».
