20 Сідзжӧ вӧчисны кык зарни кольча да йитісны найӧс водзладорсянь ефодлӧн кыкнан ластавич бердас, улісяньыс вурыс дінас, вӧнь весьттіыс.
Вит дӧрасӧ йит ӧта-мӧдыскӧд, мӧд витсӧ тшӧтш йит ӧта-мӧдыскӧд.
Ачыс ефодыс да сы дінӧ вӧньыс кыанногнас мед вӧліны ӧткодьӧсь. Вӧньсӧ мед кыасны ефодӧс моз сійӧ жӧ [весалӧм] зарни сунисысь, гӧрдовлӧз, пемыдгӧрд да югыдгӧрд вурун шӧртъясысь да путшкӧм шабді шӧртысь.
Нӧшта вӧчисны кык зарни кольча да йитісны найӧс морӧсводз улі пельӧсъясас гугладорсяньыс, кӧні морӧсводз инмӧ ефодӧ.
Морӧсводз кольчаяссӧ йитісны ефод кольчаяскӧд гӧрдовлӧз вурун шӧртӧн, медым морӧсводзыс вӧлі вӧньсьыс вылынджык да вӧлі бура йитӧма ефод бердӧ. Тадзи Господь тшӧктіс Мӧисейлы.
