Петӧм 33:10 - Коми Библия 2023

¹⁰ Став войтырыс аддзис паныдасян чом пыранін дорын сулалысь кымӧр сюръясӧ. Найӧ копыртчисны муӧдз асланыс чомъяс дорын.

Петӧм 33:10 交叉參考

Ӧксыяслӧн 3 небӧг 8:14

Соломон ӧксы бергӧдчис сы водзын сулалысь Израиль войтырлань да бурсиис найӧс.

Ӧксыяслӧн 3 небӧг 8:22

Став Израиль войтыр водзын Соломон сувтіс Господьлӧн висьпуктанін водзӧ, лэптіс кисӧ енэжлань

Петӧм 13:21

Луннас Господь муніс на водзвылын кымӧр сюръя пытшкын, медым индыны туйсӧ, а войнас – би сюръя пытшкын, медым югзьӧдны туйсӧ. Тадзи найӧ вермисны мунны луннас и войнас.

Петӧм 33:11

Господь сёрнитіс Мӧисейкӧд воча чужӧмӧн, кыдзи морт сёрнитӧ аслас ёрткӧд. Сэсся Мӧисей бӧр локтіс йӧз дорӧ, а Навлӧн Исус пиыс, Мӧисейлы отсасьысь том морт, эз вешйыв паныдасян чом дорысь.

Петӧм 33:9

Чомйӧ пырӧм бӧрас лэччыліс кымӧр сюръя да сувтліс чом пыранін водзӧ. Чомйын Господь сёрнитіс Мӧисейкӧд.

Петӧм 4:31

Войтырыс эскис. Кор найӧ кылісны, мый Господь волӧма Израиль войтыр дінӧ да аддзӧма налысь сьӧкыдалӧмсӧ, муӧдзыс копыртчӧмӧн юрбитісны Господьлы.

Лука 18:13

А вот перйысь сулаліс бокын да весиг синсӧ эз лысьт лэптывны енэжланьыс, сӧмын морӧсас кучкалӧмӧн шуаліс: ”Енмӧй, ло бур сьӧлӧма ме дінӧ, мыжа морт дінӧ!”