19 Сэсся босьт мӧд межӧс, и Аарон пияныскӧд мед пуктыласны кинысӧ межлы юр вылас.
Начкы межсӧ, босьт сылысь вирсӧ да мавтышт Ааронлысь да пияныслысь веськыд пельтугнысӧ, веськыд кисьыс певнысӧ да веськыд коксьыс ыджыд чуньнысӧ. Сэсся вирнас рез висьпуктанінсӧ быд боксянь.
Пукты ставсӧ ӧти кудйӧ да вай Ме водзӧ. Нӧшта вайӧд ӧшкӧс да кык межӧс.
Вись вайысь мед пуктылас кисӧ ӧшлы юр вылас, сэки Господь сибӧдас сылысь висьсӧ, и сылысь мыжсӧ лоӧ вештӧма.
Мед пуктылас кисӧ пемӧслы юр вылас, а сэсся мед начкас сійӧс вежа чом пыранін дорын. Та бӧрын попъяс, Ааронсянь чужысьяс, мед вирнас резасны висьпуктанінсӧ быд боксянь.
