27 Сідзжӧ вӧч кык зарни кольча да йит найӧс водзладорсянь ефодлӧн кыкнан ластавич бердас, улісяньыс вурыс дінас, вӧнь весьттіыс.
Нӧшта вӧч кык зарни кольча да йит найӧс морӧсводз улі пельӧсъясас гугладорсяньыс, кӧні морӧсводз инмӧ ефодӧ.
Морӧсводз кольчаяссӧ йит ефод кольчаяскӧд гӧрдовлӧз вурун шӧртӧн, медым морӧсводзыс вӧлі вӧньсьыс вылынджык да вӧлі бура йитӧма ефод бердӧ.
Ачыс ефодыс да сы дінӧ вӧньыс кыанногнас мед вӧліны ӧткодьӧсь. Вӧньсӧ мед кыасны ефодӧс моз сійӧ жӧ [весалӧм] зарни сунисысь, гӧрдовлӧз, пемыдгӧрд да югыдгӧрд вурун шӧртъясысь да путшкӧм шабді шӧртысь.
