11 Кор Мӧисейлӧн киыс вӧлі лэптӧма, сэки вермывліс Израиль, а кор сійӧ кисӧ лэдзліс, вермывлісны амаликъяс.
Тэнад ньӧвъясыд ёсьӧсь, [вынаӧй,] найӧ сатшасны сьӧлӧманыс ӧксыӧс мустӧмтысьяслы, тэнад кок улӧ усясны войтыръяс.
Садьмы, менам лолӧй, садьмӧй, арфа да гусли! Ме садьмӧда асъя кыасӧ.
Исус кывзысис Мӧисейлысь да муніс тышкасьны амаликъяскӧд, а Мӧисей, Аарон да Хур кайисны керӧс йылӧ.
Но Мӧисейлӧн киыс дзикӧдз жуяліс. Сэки Аарон да Хур вайисны сылы из, медым сійӧ пуксис из вылас. Мӧисей пуксис, а Аарон да Хур лэптісны сылысь кисӧ, ӧтиыс кутіс ӧтар кисӧ, а мӧдыс – мӧдарсӧ. Мӧисейлӧн киыс шонді пуксьытӧдзыс пыр вӧлі лэптӧма.
Исус висьталіс велӧданвисьт, мый оз ков лигышмунны, а дугдывтӧг кевмысьны.
Ме кӧсъя, медым айулов быдлаын кевмысисны кинысӧ кыпӧдӧмӧн, сӧстӧм сьӧлӧмӧн, лӧгавтӧг да майшасьтӧг.
Висьтасьӧй ӧта-мӧд водзаныд мыжъяссьыныд да кевмысьӧй ӧта-мӧд вӧснаныд, медым бурдінныд. Ӧд веськыда олысьлӧн кевмысьӧмыс вына, сійӧ вермӧ вӧчны унатор.
Исус эз лэдз кисьыс лэптӧм шысӧ, кытчӧдз израильсаяс эз бырӧдны Гайысь став олысьсӧ.
