14 Лысва косьмӧм бӧрас овтӧмин веркӧсӧ коли пуж кодь шыдӧс.
Тшыгъяліганыс Тэ сетін налы енэжсянь нянь, горш косьмиганыс Тэ изкыртаысь перйин налы ва. Тэ тшӧктін налы мунны да босьтны аслыныс му, мый китӧ лэптӧмӧн кӧсйысин сетны налы.
Господьлӧн скӧрлуныс ыпнитіс Аслас войтыр вылӧ, Сійӧ зывӧктіс Ассьыс бӧрйӧмаяссӧ.
Израильсаяс шуисны тайӧ няньсӧ маннаӧн. Манна вӧлі еджыд, кориандр тусь кодь, кӧрнас маа сӧчӧн кодь.
Сійӧ раммӧдіс тіянӧс – сетіс тіянлы тшыгъявны, сэсся вердіс маннаӧн. Татшӧм сёянсӧ ті и тіян батьясныд энӧ тӧдлӧй. Тадзи Сійӧ кӧсйис петкӧдлыны тіянлы, мый оз куш няньӧн мортыд ов, а Господьсянь быд шуӧм кывйӧн.
