Осий 3:2 - Коми Библия 2023

² Ме ньӧби ассьым гӧтырӧс, сеті сыысь дас вит эзысь сьӧм, нӧшта ӧти да джын хомер мында ид.

Осий 3:2 交叉參考

Олӧм 31:41

Тадзи вӧлі кызь во чӧж тэ ордын олігӧн. Ме кесъялі тэныд дас нёль во кыкнан нылыд вӧсна да квайт во пемӧсъясыд вӧсна, а тэ дасысь удждонӧс вежлін.

Олӧм 34:12

Урчитӧй медыджыд дон да козинъяс. Ме сета, мый коранныд, сӧмын сетӧй меным гӧтырӧ тайӧ нывсӧ».

Петӧм 22:17

Но нылыслӧн батьыс кӧ оз сет нывсӧ, ылӧдлысь мед вештысяс [ныв батьлы] гӧтырпулысь донсӧ.

Исай 5:10

Дас виноград йӧр сетас сӧмын ӧти бӧчка вина, мешӧк тыр кӧдзӧм кӧйдыс сетас сӧмын куд тыр нянь.

Езекиль 45:11

Ыджданас ефа да бат мед вӧліны ӧткодьӧсь. Тайӧ кыкнан мурталан дозйӧ тӧрӧ хомерлӧн дасӧд пайыс. Хомерыс мед петкӧдлӧ ефалысь да батлысь йӧрыш ыдждасӧ.

Осий 3:3

Ме шуи сылы: «Ов ме ордын дыр кад чӧж. Эн кырсав, мукӧдъяс дінӧ эн ветлы – и ме лоа тэнад».

Левит 27:16

Коді Господьлы сиас рӧдвуж овмӧссьыс мусӧ, сійӧ мед шуас муыслы донсӧ сы серти, мыйта сэтчӧ позьӧ кӧдзны. Муысь, кытчӧ позьӧ кӧдзны хомер мында ид, доныс мед лоӧ ветымын сикель эзысь.

Руфа 4:10

Моавса Руфаӧс, Махлонлысь дӧваӧс, аслым гӧтырӧ босьта, медым кулӧм верӧсыслӧн нимыс овмӧс вылас коляс да сылӧн рӧдыс оз быр чужан карсьыс. Ті тайӧс ставсӧ кывлінныд да аддзылінныд».

Ӧксыяслӧн 1 небӧг 18:25

Саул шуис налы: «Висьталӧй Давидлы, мый ӧксы некутшӧм дон оз босьт гӧтырпуысь, сӧмын кӧсйӧ, мед тэ вайин сылы сё филистимсалӧн чильган йывсьыс вундыштӧм кучикторсӧ – татшӧм ногӧн сійӧ водзӧс перъяс аслас вӧрӧглысь». Збыльвылас, ӧксы кӧсйис, мед филистимсаяс виасны Давидӧс.