14 Нянь вузалӧм помысь Ӧсип чукӧртіс став эзысьсӧ Египет да Ханаан муясысь фараонлӧн керкаӧ.
Кор став Египет муын йӧзыс тшыгъялісны, Ӧсип восьтіс йӧртӧдъяссӧ да кутіс вузавлыны нянь. А тшыгъялӧмыс ӧтарӧ содіс.
Мукӧд муясысь тшӧтш волывлісны Египетӧдз, медым Ӧсип дорысь ньӧбны нянь, ӧд быдлаын йӧзыс ёна тшыгъялісны.
Египет да Ханаан муясысь эзысьыс быри. Египетсаяс локтісны Ӧсип дорӧ да шуисны: «Эзысьным миян абу, но сет миянлы нянь! Эн лэдз миянлы кувнысӧ».
Няньсӧ дзебысьӧс ёрасны, вузалысьӧс бурсиасны.
Сӧмын татшӧм кывкутысьяслы колӧ лоны эсканаӧн.
Енмыслӧн сетӧмторйыс унапӧлӧс. Сійӧ быдӧнлы козьналіс сетӧмторсӧ, медым ті кесъялінныд ӧта-мӧдныдлы. Сідзкӧ, бур ногӧн вӧдитчӧй Енсянь сетӧмторнас.
