25 Пажын кежлӧ Ӧсипӧс виччысигмозныс вокъяс перъялісны ассьыныс козинъяссӧ. Найӧ тӧдісны нин, мый кутасны сёйны сэні.
Израиль батьныс шуис налы: «Но мый сэсся вӧчан? Сідзкӧ, босьтӧй да нуӧй тайӧ мортыслы миян муысь козинъяс: мавтасъяс, ма, чӧскыд дука сиръяс, ладан, фисташ да миндаль кольтусьяс.
Вокъяс босьтісны козинъяс да воддза дорысь кык пӧв унджык сьӧм. Найӧ мӧдӧдчисны Египетӧ, аскӧдныс босьтісны тшӧтш Веняминӧс. Локтісны Ӧсип дінӧ.
Ӧсип мыйӧн аддзис Венямин воксӧ, шуис аслас керка кутысьлы: «Тайӧ йӧзсӧ пырт гортӧ. Начкы пемӧс да дасьты сёян – найӧ кутасны пажнайтны мекӧд».
