22 Босьтӧм ордлыысь Господь Ен вӧчис аньӧс да вайӧдіс сійӧс морт дінӧ.
Господь Ен вӧчис муысь став мувывса пемӧссӧ да енэжвыв лэбачсӧ, вайӧдіс найӧс морт водзӧ да видзӧдіс, кыдзи сійӧ кутас нимтыны быд ловъя олысьӧс. Кыдзи морт нимтіс быд ловъя олысьӧс, сэтшӧм ним и лои налы.
Крамӧ мунігӧн сьылӧм. Шуда сійӧ, коді полӧ Господьысь, ветлӧ Сылӧн туйясӧд.
Кывйыд ыджыдалӧ олӧмыс и кулӧмыс вылын, сёрнитны радейтысь пӧткӧдчӧ кывйыслӧн вотӧснас.
Керкаыд да озырлуныд бать-мамсянь вуджӧ, а мывкыд гӧтыртӧ Господь сетӧ.
Ӧд водзджык вӧлі вӧчӧма Адамӧс, сэсся Еваӧс.
Гозъякост олӧмныд мед лоӧ сӧстӧм, вольпасьныд мед лоӧ пежасьтӧм, ӧд кырсалысьӧс да гозъякост олӧм пежалысьӧс мыждас Ен.
