12 Муыс быдтіс быдсяма пусӧ да веж быдмӧгсӧ, и найӧ пондісны вайны ассьыныс кӧйдыс-вотӧс. Ен аддзис, мый тайӧ бур.
Ен шуис: «Муыс мед быдтас быдсяма пусӧ да веж быдмӧгсӧ, кодъяс пондасны вайны ассьыныс кӧйдыс-вотӧс». И лои тадз.
Вӧлі рыт, вӧлі асыв – коймӧд лун.
Господь некодлы эз лэдз дзескӧдны найӧс, Сійӧ ӧлӧдліс ӧксыясӧс:
Кыдзи муыс быдтӧ пуктас-быдтассӧ, кыдзи йӧрын быдмӧны кӧдзӧмторъяс, тадзи Господь Ыджыдыс быдтас веськыдлун, тадзи быдмас-содас Сійӧс ошкӧмыс войтыръяс водзын.
Муыс ачыс быдтӧ: медводз петӧ веж турун, сэсся сійӧ шептасьӧ, а сэсся нин шепъясас артмӧны тусьяс.
Путӧ донъялӧны вотӧс сертиыс. Лежнӧг вылысь ӧд оз чукӧртны инжир, тусяпу вылысь – виноград.
Кӧдзысьлы кӧйдыссӧ Сетысьыс да няньӧн Пӧткӧдысьыс сетӧ кӧйдыссӧ тшӧтш тіянлы. Сійӧ быдтӧ тіянлысь пуктастӧ да уна пӧв содтӧ тіян веськыда олӧмлысь вотӧссӧ,
Асьнытӧ энӧ ылӧдлӧй – Енмыс серамтуйын оз ло. Мортыд мый кӧдзас, сійӧс и вундас.
Зэрӧн унаысь кӧтӧдлӧм му кӧ вайӧ му вӧдитысьлы бур быдтас – Енмыс тайӧ мусӧ бурсиӧ.
