9 Ӧд Господь менӧ ӧлӧдіс, медым ме эг сёй нянь ни эг ю ва, и бӧрсӧ мед муні мӧд туйӧд».
Кор Еровам висьпуктанін вылын сотіс вись, Вефильӧ локтіс Иуда муысь Енлӧн морт, кодӧс мӧдӧдіс Господь.
И муніс Енлӧн морт Вефильысь мӧд туйӧд, а эз сійӧ туйӧдыс, кыті локтіс.
Но Енлӧн морт воча шуис: «Ме ог вермы тэкӧд бӧр бергӧдчыны, тані ог вермы сёйны-юны тэкӧд.
Енлӧн морт бӧр бергӧдчис пророккӧд да сёйис-юис сы ордын.
Но Енлӧн морт шуис ӧксылы: «Тэ кӧ меным весиг ассьыд овмӧс джынтӧ сетан, ме ог мун тэкӧд. Сёйны-юны ме тані ог кут.
Сылӧн тшӧктӧмъясысь ме ог ӧтдортчы, Сылысь кывъяссӧ сьӧлӧм бердын видза, аслам кӧсйӧм дорысь вылӧджык на пукта.
Видзӧд, некод оз кӧсйы тӧдны менӧ, меным некытчӧ пышйыны, ме вӧсна некод оз тӧждысь.
Войтырыслы Мӧисей шуис: «Вешйӧй тайӧ мыжа йӧзыслӧн чомъяс дорысь, налӧн эмбур-кӧлуй дінӧ энӧ инмӧдчӧй. Онӧ кӧ кывзысьӧй, налӧн мыжъяс вӧсна [накӧд ӧтвылысь] куланныд».
Тайӧс кӧ тӧданныд да та серти оланныд, ті шудаӧсь.
Оланныд кӧ Менам тшӧктӧм серти, ті – Менам ёртъяс.
Вокъяс, кора тіянӧс, видзчысьӧй да ылыстчӧй наысь, кодъяс пыртӧны вичкоад вензьӧмъяс да кежӧдӧны эскӧмсьыс, мыйӧ тіянӧс велӧдӧма.
Но ме сёрнита сэтшӧм морт йылысь, коді шуӧ асьсӧ эскысьӧн, но ачыс кырсалӧ, горшасьӧ, суклясьӧ, гусясьӧ, кодалӧ да идоллы юрбитӧ – татшӧмыскӧд энӧ кутӧй некутшӧм йитӧд. Весиг энӧ сёйӧй сыкӧд ӧтлаын!
Энӧ ӧтувтчӧй пемыдас олысьяслӧн ковтӧм уджъясӧ, мӧдарӧ, янӧдӧй найӧс.
Сэсся ме кылі енэжысь мӧд гӧлӧс шы. Сійӧ шуис: – Войтырӧй Менам, петӧй тайӧ карсьыс, медым энӧ ӧтувтчӧй сылӧн мыж вӧчӧмас, медым сійӧс моз эз су тіянӧс бырӧдӧмыс.
Самуил шуис: – Мый вайӧ Господьлы нимкодьлун? Сотан да мукӧд висьяс али Сылысь кывзысьӧм? Кывзысьӧмыд бурджык вись вайӧм дорысь, бурджык межъяслысь госсӧ сотӧм дорысь.
