11 Найӧ вӧтчисны филистимсаяс бӧрся Миспасянь Бет-Кар дорӧдз, вӧтӧдігас унаӧс виисны.
Господь шӧйӧвоштіс аморейясӧс израильса тышкайӧзлӧн син водзын. Гаваон дорын израильсаяс пасьвартісны аморейясӧс. Сэсся Бет-Хоронӧ кайысь туйӧд Азека да Македа каръясӧдз вӧтчисны пышйысьяс бӧрся да бырӧдісны найӧс.
Самуиллӧн вись вайӧм дырйи филистимсаяс матыстчисны израильсаяс дінӧ, медым уськӧдчыны на вылӧ. Но сійӧ лунӧ Господь чорыда гымаліс филистимсаяс весьтын. Найӧ ёна повзисны. Тадзи израильсаяс вермисны филистимсаясӧс.
Самуил босьтіс из да сувтӧдіс сійӧс Миспа да Шен каръяс костӧ. Самуил сетіс изйыслы Эвен-Эзер ним да шуис, тайӧ местаӧдзыс пӧ Господь отсаліс миянлы.
