11 Сэсся чукӧртісны филистимса став юралысьсӧ да шуисны: «Бӧр нуӧй Израиль Енлысь кудсӧ, кытысь босьтінныд. Тані сійӧ ставнымӧс бырӧдас». Экронын олысьяс зэв ёна полісны, ӧд [Израиль Енлысь кудсӧ вайӧм бӧрын] Ен чорыда мыждіс найӧс.
Фараонлӧн йӧзыс шуисны сылы: «Дыр-ӧ на миянлы сьӧкыдавны тайӧ мортыс понда? Лэдз тайӧ войтырсӧ, мед мунасны да юрбитасны Господьлы, асланыс Енлы. Он ӧмӧй аддзы, мый Египетным быранвыйын?»
Сэтысь мӧдӧдісны Енлысь кудсӧ Экрон карӧ. Сэтчӧс олысьяс пондісны шуасьны-горзыны: «Мыйла ті вайинныд татчӧ Израиль Енлысь кудсӧ? Мед вины-бырӧдны миянӧс?»
Азотын да сы гӧгӧрын олысьясӧс Господь чорыда кутіс мыждыны. Ставнысӧ полӧм босьтіс. Господь дойдаліс йӧзсӧ, яй пасьталаыс налӧн петалісны мыльяс. [Му пасьталаыс рӧдмисны крысаяс. Ыджыд шог суис карын олысьясӧс.]
Вӧчӧй мыльяссӧ да мунытӧ бырӧдысь крысаяссӧ, мед пыдди пуктыны Израильлысь Енсӧ. Гашкӧ, Сійӧ вештас Ассьыс мыждӧмсӧ тіян вылысь, тіян енъяс да тіян му вылысь.
