5 Саул воис амаликъяслӧн кар дорӧ да сувтіс сёртасӧ. Сэні дасьтысис, мед уськӧдчыны на вылӧ.
Найӧ сувтісны Гай кар войвывладорӧ. Карсьыс найӧс торйӧдіс ковтыс. Гайсянь рытыввылӧ, Вефиль да Гай костӧ, Исус пуксьӧдіс кыйӧдчыны вит сюрс мортӧс.
Сійӧ тшӧктіс налы: «Мунӧй кар саяс да сувтӧй кыйӧдчыны. Лоӧй дасьӧсь!
Саул чукӧртіс тышкайӧзсӧ Телаимӧ да арталіс-гижаліс найӧс. Сылӧн вӧлі Израиль войтырысь кыксё сюрс пода, а Иуда чужанкотырысь – дас сюрс тышкаморт.
Сэтчӧс олысь кеней войтырлы ыстіс юӧр: «Петӧй да ылыстчӧй амалик войтырысь, мед ме эг бырӧд тіянӧс накӧд тшӧтш. Ті уна бурсӧ вӧчинныд Израиль войтырлы, кор найӧ локтісны Египет муысь». Кеней войтыр кывзысис да ылыстчис амалик войтырысь.
