10 Вись ваян мыльк дорӧ воигӧн Саул да кесйӧгыс паныдасисны пророкъяскӧд. Сэки Енлӧн Лов лэччис Саул вылӧ, и сійӧ накӧд тшӧтш кутіс пророкавны.
Кор Самсон воис Лехи карӧ, филистимсаяс горзӧмӧн паныдалісны сійӧс. Господьлӧн Лолыс лэччис Самсон вылӧ. Сэки кисӧ кӧрталӧм гезъясыс сотчӧм шабді моз гылалісны.
Господьлӧн Лолыс вӧлі Отниэл вылын. Сійӧ вӧлі ёрдысь и Израиль войтырӧн веськӧдлысь. Отниэл петіс тышӧ, и Господь сетіс сылӧн киӧ Месопотамияысь Кушан-Ришатаим ӧксыӧс. Тадзи Кушан-Ришатаим шедіс Отниэллӧн кипод улӧ.
Тайӧс кылӧм бӧрын Енлӧн Лов лэччис Саул вылӧ, сы пытшкын кыптіс скӧрлун.
Самуил босьтіс вый тыра доз да мавтыштіс Давидӧс сылӧн вокъяс водзын. Сэки Господьлӧн Лов лэччис Давид вылӧ и сійӧ лунсяньыс вӧлі Давидкӧд. Сэсся Самуил бӧр муніс Рама карӧ.
Аслым Ме сувтӧда попӧс, коді кутас кывзысьны Менсьым да збыльмӧдны Менсьым кӧсйӧмӧс. Сылысь рӧдсӧ вӧча зумыдӧн. Став олӧм чӧжыс сійӧ кутас кесъявны Менам мавтыштӧма водзын.
