30 Сыкӧд орччӧн стенсӧ дзоньталісны Шелемейлӧн Хананей пиыс да Цалафлӧн Ханун нима квайтӧд пиыс. Насянь водзӧ аслас жырлы воча уджаліс Береклӧн Мешуллам пиыс.
Крам видзанінӧ кывкутысьясӧн ме инді Шелемей попӧс, Индӧдӧ велӧдысь Садокӧс да левитъяс пӧвстысь Педайӧс, а Маттанай Заккурлысь Ханан писӧ пукті налы отсасьысьӧн. Тайӧ йӧзыслы позис эскыны. Налы вӧлі тшӧктӧма юклыны вайӧмторъяссӧ асланыс вокъяслы.
Накӧд орччӧн аслас керка весьтті стенсӧ дзоньталіс Иммерлӧн Садок пиыс, а сысянь водзӧ – Шеканийлӧн Шемай пиыс, Асыввыв дзиръя видзысь.
Сыкӧд орччӧн уджаліс Малкий, зарниысь вӧчасьысь. Сійӧ дзоньталіс стенсӧ крамбердса кесйӧгъяслӧн да вузасьысьяслӧн керка дорӧдз – Мифкад дзиръяӧдз да стен пельӧсса жыр дорӧдз.
Накӧд орччӧн стенсӧ дзоньталіс Хаккоц Урийлӧн Меремот пиыс, сыкӧд орччӧн – Мешезавел Береклӧн Мешуллам пиыс, Мешулламкӧд орччӧн – Баанлӧн Садок пиыс.
Тови вӧлі Арах Шеканийлӧн зять, а Товилӧн Иоханан пиыс вӧлі босьтӧма гӧтырӧ Берек Мешулламлысь нывсӧ. Та вӧсна унаӧн Иуда войтырысь кыв сетӧмӧн вӧлі кӧрталӧмаӧсь йитӧд Товикӧд.
