8 Израиль пиян ставсӧ вӧчисны Исуслӧн тшӧктӧм серти. Израиль пиянлӧн чужанкотыр лыд серти Йӧрдан шӧрысь босьтісны дас кык из, кыдзи Господь висьталіс Исуслы. Изъяссӧ нуисны узьмӧдчанінӧ да пуктісны сэтчӧ.
Сэсся найӧ мунісны да вӧчисны ставсӧ сідзи, кыдзи Господь тшӧктіс Мӧисейлы да Ааронлы.
Мӧисей гижис Господьлысь кывъяссӧ. Водз асывнас чеччӧм бӧрас сійӧ вӧчис керӧс горулӧ висьпуктанін. Висьпуктанінкӧд орччӧн сувтӧдіс Израиль чужанкотыръяслӧн лыд серти дас кык вежа из.
Йӧрдан юысь босьтӧм дас кык изсӧ Исус сувтӧдіс Галгалӧ.
Нӧшта дас кык из Исус сувтӧдіс Йӧрдан ю шӧрӧ, кӧні сулалісны [Господьлысь] Йитӧд куд нуысь попъяс. Ӧнӧдз тайӧ изъясыс сэнӧсь.
