21 Войтырыс вочавидзис Исуслы: «Ми кутам кесъявны Господьлы».
Став войтырыс ӧти вомӧн шуис: «Ставсӧ, мый тшӧктіс Господь, ми кутам вӧчны [да кутам кывзысьны]». Мӧисей муніс висьтавны тайӧс Господьлы.
Найӧ шуисны Мӧисейлы: «Тэ сёрнит миянкӧд, а ми кутам кывзыны. Енмыс мед оз сёрнит миянкӧд, медым ми эгӧ кулӧй».
Мӧисей локтіс войтырыс дінӧ да висьталіс налы Господьлысь кывъяссӧ да тшӧктӧмъяссӧ. Войтырыс ӧти вомӧн шуис: «Ми вӧчам ставсӧ, мый тшӧктіс Господь. [Кутам кывзысьны.]»
Сэсся босьтіс Йитӧд небӧг да лыддис сійӧс войтырыслы. Найӧ шуисны: «Ми вӧчам ставсӧ, мый тшӧктіс Господь. Кутам кывзысьны».
Ӧти шуас: «Ме Господьлӧн», мӧд шуас асьсӧ Яковлӧн нимӧн, а кодкӧ ки вылас гижас: «Ме Господьлӧн», и сійӧ нимтас асьсӧ Израиль нимӧн.
Талун ті висьталінныд, мый Господь лоӧ тіян Енмӧн, мый ті кутанныд ветлыны Сылӧн туйясӧд, овны Сылӧн индӧд-тшӧктӧмъяс серти да кывзысьны Сылысь.
Ті кӧ эновтанныд Господьӧс да кутанныд кесъявны мукӧд енъяслы, Сійӧ лэдзас лёксӧ тіян олӧмӧ да бырӧдас тіянӧс, мед кӧ весиг водзынсӧ Сійӧ бур вӧчис тіянлы».
Исус шуис: «Ті асьныд бӧрйинныд Господьӧс да кӧсйысинныд кесъявны Сылы». Найӧ вочавидзисны: «Да, ми асьным тадзи шуим».
