Нав Исус 17:1 - Коми Библия 2023

¹ Водзӧ пудйыс уси Манассей чужанкотырлы. Манассей вӧлі Ӧсиплӧн медводдза пиыс, а Манассейлӧн медводдза пиыс вӧлі Макир, вына тышкасьысь да Галаадлӧн батьыс. Макирлы вӧлі водзынджык вичмӧдӧма Галаад да Васан муяс.

Нав Исус 17:1 交叉參考

Олӧм 41:51

Медводдза пиыслы Ӧсип пуктіс Манассей ним, ӧд шуис, Енмыс пӧ сетіс вунӧдны ассьым шоглунӧс да бать керкаӧс.

Олӧм 41:52

Мӧдыслы пуктіс Ефрем ним, ӧд шуис, Енмыс пӧ вӧчис менӧ вотӧса пуӧн тайӧ муас, кӧні ме сьӧкыдалі.

Олӧм 46:20

Ӧсиплӧн Египет муын чужисны Манассей да Ефрем, кодъясӧс сылы чужтіс Асената, Он карысь Поти-Пер поплӧн нылыс.

Олӧм 48:17

Ӧсип аддзис, кыдзи батьыс веськыд кисӧ пуктіс Ефремлы юр вылас, да жугыльтчис. Сійӧ босьтіс батьыслысь кисӧ Ефрем юр вылысь да кӧсйис пуктыны Манассейлы юр вылас.

Олӧм 48:18

Ӧсип шуис батьыслы: «Абу тадзи, батьӧй. Со этайӧ медводдза чужысьыс. Сы вылӧ пукты китӧ».

Олӧм 50:23

Ефремлысь ныв-писӧ Ӧсип коймӧд чужанвужйӧдзыс на аддзыліс. Манассейлӧн Макир пилысь пиянсӧ босьтіс аслыс пиян пыдди.

Ӧксыяслӧн 2 небӧг 2:9

Сэні пуктіс сійӧс ӧксыавны Галаадын, Ашурын, Изреельын, Ефрем да Венямин чужанкотыръясын да став Израильын.

1 Каднебӧг 2:23

Но гешурсаяс да арамейяс босьтісны Яирлысь сиктъяссӧ, Кенат кар да сыгӧгӧрса квайтымын сикт. Став тайӧ кар-сиктас олісны Галаадлӧн Макир батьсянь чужысьяс.

Езекиль 47:13

«Господь Ыджыдыс тадзи висьталӧ: со кыдзи тіянлы колӧ юклыны мусӧ Израильлӧн дас кык чужанкотырлы. Ӧсиплы сетӧй кык пай.

Езекиль 48:4

Неффалим чужанкотырлӧн му лунвывладорын асыввывсянь рытыввылӧдз лоӧ Манассей чужанкотырлӧн муыс.

Лыд 26:29

Манассейсянь чужисны Макир да сылӧн рӧдыс. Макирсянь чужисны Галаад да сылӧн рӧдыс.

Лыд 27:1

Манассей чужанкотырысь Салпаадлӧн вӧліны Махла, Ноа, Хогла, Милка да Тирза нывъяс. Салпаад вӧлі Хеферлӧн пи, Хефер – Галаадлӧн, Галаад – Макирлӧн, Макир – Манассейлӧн, Манассей – Ӧсиплӧн. Нывъяс локтісны

Лыд 32:33

Сэки Мӧисей сетіс Гад да Рувим чужанкотыръяслы, а сідзжӧ Ӧсип Манассейлӧн джын чужанкотырлы аморейяслӧн Сигон ӧксылысь мусӧ да васанса Ог ӧксылысь мусӧ сэтчӧс каръяснас да нагӧгӧрса муяснас.

Индӧд 21:17

Сылы быть колӧ шуны медводдза чужысьнас мустӧм гӧтырыслысь писӧ да аслас эмбурысь вичмӧдны сылы кыкпӧвста пай. Ӧд тайӧ пиыс – выныслӧн медводдза вотӧсыс, сылы вичмӧ медводдза чужысьлӧн ним.

Нав Исус 17:2

Ӧні му вичмис тшӧтш Манассей чужанкотырлӧн мукӧд рӧдъяслы: Авиэзер, Хелек, Асриэл, Шекем, Хефер да Шемид рӧдъяслы. Тайӧ вӧліны Манассейлӧн, Ӧсип пилӧн, пияныс да налӧн рӧдъясыс.

Нав Исус 22:7

Манассейлӧн джын чужанкотырлы Мӧисей сетіс мусӧ Васанысь, а мӧд джыныслы мусӧ Исус сетіс Йӧрдан ю рытыввылысь вокъясыскӧд орччӧн. Кор Исус бурсиӧмӧн лэдзис мунысьясӧс,

Ёрдысьяс 5:14

Ефрем чужанкотырысь локтісны амалик войтырлӧн муӧ овмӧдчӧмаяс, на бӧрся локтіс Веняминлӧн тышкакотырыс. Макир рӧдысь локтісны веськӧдлысьяс, Завулон чужанкотырысь локтісны юралан бедь кианыс кутысьяс.