32 Тайӧ муяссӧ Мӧисей юкліс Йӧрдан асыввылысь, Ериконлы воча Моав ласта вылысь.
Галаад мулысь джынсӧ да Ог ӧксылысь васанса Аштарот да Эдрей каръяссӧ вӧлі сетӧма Манассейлӧн Макир пиыслӧн джын рӧдлы.
Но Левий чужанкотырлы Мӧисей мусӧ эз сет. Налӧн пайыс – Господь, Израильлӧн Ен, кыдзи Сійӧ Ачыс шуис налы.
Кык чужанкотырлы да [Манассейлӧн] джын чужанкотырлы Мӧисей сетіс мусӧ Йӧрдан асыввылысь. Левитъяслы мусӧ эз сет.
