7 Исус да сылӧн тышкайӧзыс локтісны Мером ты дорӧ да виччысьтӧг уськӧдчисны вӧрӧгныс вылӧ.
Галгалысь петӧм бӧрын Исус муніс войбыд. Сійӧ уськӧдчис аморейяс вылӧ буретш сэки, кор найӧ эз виччысьны тайӧс.
Господь шуис Исуслы: «Эн пов наысь. Аски тайӧ кадас Ме сета израильса тышкайӧзлы пасьвартны найӧс. Вӧвъясныслысь кок сӧнсӧ вундав, а тарантасъяссӧ сот».
Господь сетіс найӧс Израиль киӧ. Израильсаяс вермисны тышын да вӧтӧдісны найӧс войвылын ыджыд Сидон карӧдз да Мисрефот-Маимӧдз, а асыввылын Мицфе ковтысӧдз. Ставнысӧ виалісны. Некод ловйӧн эз коль [и эз пышйы].
