2 «Менам Мӧисей кесйӧгӧй куліс. Ӧні тэ вуджӧд Израиль войтырӧс Йӧрдан ю сайӧ сійӧ муас, мый Ме сета налы.
Тэныд да тэсянь чужысьяслы Ме сета тайӧ мусӧ, кӧні тэ ӧні локтысь морт моз олан. Ханаан мусӧ ставнас сета тэсянь чужысьяслы нэмъяс кежлӧ да лоа налӧн Енмӧн».
Налысь пиянсӧ Тэ рӧдмӧдін енэжвыв кодзувъяс мында. Тэ вайӧдін найӧс сійӧ муас, мый йылысь Тэ кӧсйысьлін налӧн батьяслы.
«Казялін-ӧ Менсьым Иов кесйӧгӧс? – юаліс Господь. – Му вылас ӧд сы кодь мӧдыс абу. Сійӧ сӧстӧм сьӧлӧма веськыд морт, полӧ Енсьыс да ӧтдортчӧ лёксьыс».
Со, Менам Кесъялысьӧй, Ме сета Сылы вын, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым лолӧс. Сійӧ ваяс веськыда мыждӧм быд войтырлы.
Но Аслам Мӧисей кесйӧгкӧд ог сідзи сёрнит, ӧд сійӧ кывзысьӧмӧн кесъялӧ Менам керкаын.
Туйдӧд-велӧд Исусӧс, ышӧд-ёнмӧд сійӧс, ӧд сылы ковмас нуӧдны тайӧ войтырсӧ Йӧрдан ю сайӧ да юклыны налы [став] мусӧ, мый тэ Фасга керӧс вывсянь аддзылан”.
Мӧисей корис Исусӧс да став Израиль войтыр водзын шуис сылы: «Ло зумыд да повтӧм! Тэ нуӧдан тайӧ войтырсӧ сійӧ муас, мый Господь кыв сетӧмӧн кӧсйысис сетны налӧн батьяслы, да юклан сійӧс налы.
Мӧисей, Господьлӧн кесйӧг, куліс Моав муын, кыдзи шуис Господь.
Кор Мӧисей, Господьлӧн кесйӧг, куліс, Господь шуис Навлӧн Исус пилы, Мӧисейлӧн отсасьысьлы:
кытшовтны чомъяссӧ да висьтавны войтырыслы: «Дасьтӧй сёян, ӧд куим лун мысти ті вуджанныд Йӧрдан ю сайӧ, медым босьтны аслыныд му, мый Господь, тіян [батьяслӧн] Ен, сетас тіянлы пыр кежлӧ».
