6 Воссьӧны ю кутӧдъяс, ваыс ыльӧбтӧ, и ӧксылӧн керкаыс киссьӧ.
Ӧксылы тӧд вылас усьӧны тышкайӧзӧн веськӧдлысьяс. Найӧ котӧртӧны, крукасьлӧны, тэрмасьӧмӧн кайӧны карса стен вылӧ, но вӧрӧг дась нин жугӧдны карса дзиръяяс.
Шуӧма, мый карсӧ куштасны, олысьяссӧ нуӧдасны пленӧ. Кесйӧг аньяс ойзӧны-ружтӧны гулюяс моз, вачкалӧны асьнысӧ морӧсаныс.
Тэнад тышкайӧзыд аньяс кодьӧсь, тэнад муын дзиръяясыд гурйыв восьсаӧсь вӧрӧгыдлы, биыс сотӧма тэнсьыд тасъястӧ.
