Матвей 22:16 - Коми Библия 2023

¹⁶ Найӧ мӧдӧдісны Сы дінӧ Ирӧдлысь йӧзсӧ да ассьыныс велӧдчысьяссӧ. Локтӧмаяс шуисны: «Велӧдысь, ми тӧдам, мый Тэ веськыда сёрнитан да веськыда велӧдан Енлӧн туйӧ. Тэ он пов йӧзлӧн шуасьӧмысь, он видзӧд морт вылӧ.

Матвей 22:16 交叉參考

Ӧксыяслӧн 3 небӧг 22:14

Микей вочавидзис: «Ловъя Господь водзын кыв сета: Господь мый шуас меным, сійӧс и юӧрта».

Псалтыр 12:2

Господьӧй, гашкӧ, Тэ дзикӧдз вунӧдін менӧ? Дыр-ӧ Тэ кутан тупкыны меысь Ассьыд чужӧмбантӧ?

Псалтыр 5:9

Господьӧй, нуӧд менӧ Аслад веськыд туйӧд, шыльӧд сійӧс меным мустӧмтысьяслӧн син водзын.

Шусьӧгъяс 29:5

Коді леститчӧ матыссаыс водзын, тыв зэвтӧ сылӧн коклы.

Малакий 2:6

Найӧ велӧдісны збыляс, налӧн вомысь эз петавлы ылӧгыс. Найӧ олісны Ме водзын веськыда да кывзысьӧмӧн, унаӧс найӧ бергӧдісны мыж вӧчӧмысь.

Малакий 2:9

Ме янӧда тіянӧс, став войтырыс кутас увтыртны тіянӧс, ӧд ті онӧ ветлӧй Менам туйӧд, а велӧдіганыд кӧсъянныд шогмыны мортлы.

Матвей 22:24

«Велӧдысь, Мӧисей шулӧма, мый ныв-питӧм морт кӧ кулас, вокыслы колӧ босьтны кулӧм вокыслысь дӧвасӧ гӧтырӧ да нюжӧдны вокыслысь рӧдсӧ.

Матвей 22:26

Тадзи лои мӧд вокыскӧд, коймӧдыскӧд, став сизимнанныскӧд.

Матвей 26:18

Исус шуис: «Мунӧй карӧ сэтшӧмтӧ морт дінӧ да висьталӧй сылы: ”Велӧдысь шуис: Менам кадӧй матысмӧ. Тэ ордын велӧдчысьяскӧд пасъя Ыджыд лунсӧ”».

Матвей 26:49

Иуда веськыда муніс Исус дінӧ да шуис: «Видза олан, Велӧдысьӧй», сэсся окыштіс Сійӧс.

Марк 10:17

Туйӧ петігас Исус дінӧ котӧрӧн локтіс ӧти морт да Исус водзӧ пидзӧс вылас сувтӧмӧн юаліс: «Бур Велӧдысьӧй, мый меным колӧ вӧчны, мед вичмис меным помтӧм олӧм?»

Марк 12:13

Сэсся найӧ мӧдӧдісны Исус дінӧ Ирӧдлысь йӧзсӧ да фарисейяс пиысь кодсюрӧӧс, медым Исусӧс кыйны сёрниас.

Марк 12:14

Найӧ локтісны да шуисны Сылы: «Велӧдысь, ми тӧдам, мый Тэ веськыда сёрнитан да он пов йӧзлӧн шуасьӧмысь. Тэ он видзӧд морт вылӧ, а веськыда велӧдан Енлӧн туйӧ. Висьтав, миянлы позьӧ вот мынтыны кесарлы?»

Марк 3:6

Сэки фарисейяс петісны да Ирӧдлӧн йӧзкӧд дзик пыр пондісны сёрнитны Исусӧс виӧм йылысь.

Марк 8:15

Исус шуис налы: «Видзчысьӧй фарисей да Ирӧд няньшомысь».

Лука 20:21

Локтӧмаяс шуисны Исуслы: «Велӧдысь, ми тӧдам, мый Тэ веськыда сёрнитан-велӧдан. Тэ он видзӧд морт вылӧ, а веськыда велӧдан Енлӧн туйӧ.

Лука 7:40

Фарисейлань бергӧдчӧмӧн Исус шуис: «Симон, Ме тэныд ӧтитор кӧсъя висьтавны». «Висьтав, Велӧдысь», – шуис мӧдыс.

Иоан 14:6

Исус шуис сылы: «Ме эм туйыс, збыльыс да олӧмыс. Бать дінӧ позьӧ локны сӧмын Ме пыр, мӧд туйыс абу.

Иоан 18:37

Пилат шуис Сылы: «Сідзкӧ, Тэ Ӧксы?» Исус вочавидзис: «Тэ ачыд шуан, мый Ме Ӧксы. Ме чужи да локті муюгыдас, медым висьтавны збыль йывсьыс. Коді збыльыслӧн, сійӧ кывзӧ Менсьым кывъясӧс».

Иоан 7:18

Коді ассяньыс висьталӧ, сійӧ аслыс ошкӧмсӧ корсьӧ. Коді тӧждысьӧ, медым ошкӧмыс вичмис Сійӧс Мӧдӧдысьлы, Сійӧ збыльсӧ висьталӧ да оз ылӧдчы.

2 Коринфӧ 2:17

Мукӧдыс моз ми огӧ висьтавлӧй Енлысь кывсӧ дон вылӧ. Ми висьтавлам сійӧс Ен водзын веськыда, ӧд ми – Кристослӧн кесъялысьяс да Енсянь мӧдӧдӧмаяс.

2 Коринфӧ 4:2

Ми огӧ вӧчӧй гусясӧ да янӧданасӧ, огӧ ылӧдчӧй, Енлысь кывсӧ висьтавлам торкавтӧг. Ми восьсӧн висьталам збыльсӧ да быдӧнлы сетам донъявны асьнымӧс Ен водзын.

2 Коринфӧ 5:16

Ӧнісянь ми некодӧс огӧ донъялӧй морт видзӧдлас серти. Водзын кӧ Кристосӧс донъялім морт видзӧдлас серти, ӧні огӧ.

Галатӧ 1:10

Йӧзсянь-ӧ, Енсянь-ӧ виччыся ме ошкӧмсӧ? Йӧзлы ӧмӧй зіля шогмынысӧ? Ме кӧ зіли шогмыны йӧзлы, сэки эськӧ эг вӧв Кристослӧн кесйӧг.

Галатӧ 2:6

Вичкоса пыдди пуктана йӧз – налӧн нималӧм-тӧдчанлун вылӧ ме ог видзӧд, Ен водзын ми ставным ӧткодьӧсь – эз лыддьыны коланаӧн мыйкӧ содтыны меӧн висьталӧм Бур Юӧр дінӧ.

Индӧд 33:9

Сійӧ шуис, мый оз тӧд бать-мамсӧ, вокъяссӧ ӧтдортіс, пиянсӧ оз тӧд, ӧд кутчысьӧ Тэнад кывъясӧ, видзӧ Тэнсьыд йитӧдтӧ.

1 Фессалоникаӧ 2:4

Енмыс водзвыв тӧдмаліс миянӧс да лыддис шогманаясӧн висьтавлыны Сылысь Бур Юӧрсӧ, та вӧсна и висьтавлам. Ми зілям шогмыны Енмыслы, а огӧ йӧзыслы, ӧд Сійӧ тӧдӧ миянлысь сьӧлӧмнымӧс.

Яков 3:17

Но вылісянь сетӧм мывкыдлуныс – медвойдӧр сӧстӧм, сэсся лӧнь, рам, кывзысьысь, тырӧма буралӧмӧн да бур уджъясӧн. Сійӧ оз торйӧд мортӧс чужӧм вылӧ видзӧдӧмӧн, сійӧ ставсӧ вӧчӧ сьӧлӧмсяньыс.

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.