20 Кымӧрыс кӧ сӧмын кымынкӧ лун сулаліс вежа чом весьтын, сэки Господьлӧн тшӧктӧм серти войтырыс сувтліс, а сэсся Господьлӧн тшӧктӧм серти мӧдӧдчыліс туйӧ.
Налӧн олан туйыс – мывкыдтӧмлун, и на бӧрся олысьяс дорйӧны налысь видзӧдлассӧ.
Эскы Господьлы став сьӧлӧмнад, эн аслад вежӧр вылӧ подулась.
Став аслад туйясын Господьӧс тӧдмав, тэнсьыд туйястӧ Сійӧ веськыдӧн вӧчас.
Тадзи найӧ медводдзаысь петісны туйӧ Господьлӧн тшӧктӧм серти, кыдзи вӧлі висьталӧма Мӧисей пыр.
Господьлӧн тшӧктӧм серти Израиль пиян мӧдӧдчылісны туйӧ, и Господьлӧн тшӧктӧм серти сувтлісны. Сійӧ кад чӧжыс, кор кымӧрыс сулаліс вежа чом весьтын, найӧ тшӧтш сулалісны.
Кымӧрыс кӧ дыр сулаліс вежа чом весьтын, Израиль пиян Господьлысь кывзысьӧмӧн тшӧтш сулалісны.
Кымӧрыс кӧ рытсяньыс асылӧдзыс сулаліс да асывнас кыпӧдчыліс, войтырыс мӧдӧдчыліс туйӧ. Сулаліс кӧ лун да вой, а сэсся кыпӧдчыліс, войтырыс тшӧтш мӧдӧдчыліс туйӧ.
Энӧ полӧй наысь, ӧд тіянкӧд Господь, тіян Енныд. Сійӧ ыджыд да повзьӧдана Ен.
