11 Мед пасъясны сійӧс мӧд тӧлысьлӧн дас нёльӧд лун рытсянь мӧд рытӧдз. Мед сёясны ыджыдлунся баляӧс шомтӧм няньӧн да курыд турунъясӧн.
«Висьтав Израиль пиянлы: коді тіян пӧвстысь либӧ тіянсянь чужысьясысь пежасяс шой дінӧ инмӧдчылӧм вӧсна либӧ коді лоас ылі туйын, сійӧ мед тшӧтш пасйӧ Господьлы сиӧм Ыджыд лун.
Пасйӧй сійӧс тайӧ тӧлысьнас дас нёльӧд лун рытсянь мӧд рытӧдз. Ставсӧ вӧчӧй Ыджыд лун йылысь индӧд-тшӧктӧмъяс серти».
Ставыс лои Гижӧдыс серти: «Сылысь лысӧ оз ло чегъялӧма».
Тайӧ висьыскӧд энӧ сёйӧй шоммӧдӧм нянь. Сизим лун чӧж сёйӧй шомтӧм нянь, шогдырся няньнытӧ, ӧд ті тэрмасьӧмӧн петінныд Египет муысь. Тадзи став олӧм чӧжныд ті кутанныд казьтывны Египетысь петан лунтӧ.
