34 Налӧн горзӧмысь матын сулалысь израильсаяс пышйисны сэтысь, ӧд повзисны, мый муыс ньылыштас тшӧтш найӧс.
Тэнад гора гӧлӧс шыысь пышъясны войтыръяс. Кор Тэ кыпӧдчан, разаласны чужанкотыръяс.
Ті котӧрӧн пышъянныд керӧсъяс костӧд тайӧ ковтысӧдыс, коді нюжӧдчас Асилӧдз. Ті понданныд пышйыны на моз, кодъяс иудаса Озей ӧксыалан кадӧ пышйисны му вӧрӧмысь. Сэки локтас Господь, менам Ен, став Аслас вежаяскӧд.
Найӧ ловйӧн веськалісны пыдӧстӧминӧ ставнас, мый налӧн вӧлі. Муыс вевттис найӧс, и найӧ бырисны войтыр пӧвстысь.
Господьсянь петіс би да сотіс тайӧ кыксё ветымын айуловсӧ, кодъяс вайисны тшынӧдчантор.
