Лыд 1:50 - Коми Библия 2023

⁵⁰ Левитъяслы тшӧкты тӧждысьны вежа чом вӧсна да вежаинса став дозмук-кӧлуй вӧсна. Найӧ мед новлӧдласны вежа чомсӧ да вежаинса став дозмук-кӧлуйсӧ. Найӧ мед кесъяласны вежа чомйын, и ассьыныс чомъяссӧ мед сувтӧдасны вежа чом гӧгӧр.

Лыд 1:50 交叉參考

2 Каднебӧг 24:6

Та вӧсна Йоас корис ас дінас Иодай аркирейӧс да юаліс сылысь: «Мыйла тэ он тшӧкты левитъяслы, медым найӧ Иудаын да Ерусалимын олысьяслысь чукӧртісны вот? Ӧд Мӧисей, Господьлӧн кесйӧг, да Израиль войтыр тшӧктылісны чукӧртны сьӧм вежа чом вылӧ.

Неемий 12:22

Левитъяслысь рӧдкутысьяссӧ вӧлі пасйӧма небӧгас Эльяшив, Йоад, Иоханан да Яддуй кадӧ, а попъясӧс – персияса Дарий ӧксыалӧм дырйи.

Неемий 12:47

Зоровавель да Неемий кадъясӧ став Израиль войтыр вичмӧдліс сьылысьяслы да дзиръя видзысьяслы пай налӧн быдлунся олӧм вылӧ. Таысь ӧтдор найӧ торйӧдлісны вежа пай левитъяслы, а левитъяс чуктӧдлісны сэтысь вежа пай Аарон рӧдлы.

Неемий 12:8

Левитъясысь локтісны Исус, Биннуй, Кадмиэл, Шеревий, Иуда да Маттанай. Аслас вокъяскӧд Маттанай веськӧдліс сьылӧм-ошкӧмӧн.

Неемий 13:22

Левитъяслы ме тшӧкті сӧстӧммӧдчыны, сэсся мунны да видзны дзиръяяс, медым шойччан лунсӧ вӧлі вежӧдӧма. Енмӧй, казьтышт менӧ тайӧ вӧчӧмторсьыс! Аслад ыджыд буралӧмыд кузя ло бур сьӧлӧма ме дінӧ!

Неемий 13:5

Эльяшив торйӧдіс Товилы ыджыд жыр, кӧні водзынсӧ видзлӧмаӧсь нянь вись, ладан, дозмук-кӧлуй, попъяслы вайӧмторъяс, тшӧтш няньлысь, виналысь да выйлысь дасӧд юкӧнсӧ, мый Индӧд серти вӧлі сетӧны левитъяслы, сьылысьяслы да дзиръя видзысьяслы.

Псалтыр 122:4

Миянӧс тырмымӧн нин лёкӧдісны ышнясьысьяс, увтыртісны вылӧ кыпӧдчысьяс.

Петӧм 31:18

Синай керӧсын Мӧисейкӧд сёрнитӧм бӧрын Ен сетіс сылы йитӧдлысь кык изпӧв, кытчӧ Аслас киӧн гижис кывъяссӧ.

Петӧм 38:21

Мӧисейлӧн тшӧктӧм серти Аарон поплӧн Итамар пи веськӧдлӧм улын левитъяс гижисны ставсӧ, мыйысь вӧлі вӧчӧма йитӧдлысь вежа чомсӧ.

Лыд 1:53

А левитъяс ассьыныс чомъяссӧ мед сувтӧдасны вежа чом гӧгӧр, медым Израиль войтырӧс эз су Господьлӧн скӧрлуныс. Левитъяс мед видзӧдасны вежа чом бӧрся».

Лыд 10:21

Сэсся петісны туйӧ Кааф пиян, кодъяс новлӧдлісны вежаинса дозмук-кӧлуй. Налӧн вотӧдз вежа чомсӧ колӧ вӧлі сувтӧдны нин.

Лыд 17:7

Мӧисей пуктіс бедьяссӧ вежа чомйӧ Господь водзӧ.

Лыд 18:5

Тіянӧс пуктӧма тӧждысьны вежаин да висьпуктанін вӧсна, медым водзӧвылӧ Менам скӧрлунӧй эз су Израиль пиянӧс.

Лыд 2:17

Левитъяс асланыс котыръясӧн туйӧ петіганыс мед сувтасны чужанкотыръяс шӧракостӧ да нуасны вежа чомсӧ. Кыдзи чужанкотыръяс чомъяснас паськӧдчӧны сувтанінын, сідзи найӧ сьӧрсьӧн-бӧрсьӧн мед петасны туйӧ асланыс дӧрапас улын.

Лыд 20:11

Мӧисей кыпӧдіс кисӧ да кыкысь вачкис бедьнас изкыртаӧ, и сэтысь ыльӧбтіс ва. Войтырыс да налӧн ыж-мӧсныс пӧттӧдзныс юисны.

Лыд 4:15

Израиль войтырлӧн туйӧ петтӧдзыс Аарон пияныскӧд мед вевттяласны став вежа дозмук-кӧлуйсӧ. Сӧмын та бӧрын вермасны матыстчыны Кааф пиян, медым нуны вежа дозмук-кӧлуйсӧ. Найӧ кӧ инмӧдчасны вевттьытӧм вежа дозмук-кӧлуй дінӧ, куласны. Вежа чомйын кесъялан дозмук-кӧлуйсӧ колӧ новлӧдлыны Кааф пиянлы.

Лыд 4:3

комын арӧссянь ветымын арӧсӧдз найӧс, кодъяс вермасны уджавны вежа чомйын.

Лыд 8:19

да сета найӧс Ааронлы да сылӧн пияныслы. Левитъяс мед кесъяласны вежа чомйын Израиль пиян пыдди налысь мыжсӧ вештӧм могысь. Тадзи вежа чом дорӧ матыстчиганыс Израиль пиянӧс оз су бырӧдӧмыс».

Лыд 8:20

Мӧисей, Аарон да став Израиль войтырыс вӧчисны сідзи, кыдзи Господь тшӧктіс Мӧисейлы левитъяс йылысь.

Лыд 8:22

Та бӧрын левитъяс пондісны кесъявны вежа чомйын Ааронлӧн да пияныслӧн веськӧдлӧм улын. Ставсӧ вӧлі вӧчӧма сідзи, кыдзи Господь тшӧктіс Мӧисейлы левитъяс йылысь.

Восьтӧм 15:5

Сэсся ме видзӧдлі да аддзи, мый енэжас воссис крам – Енлӧн вежа чомйыс.