19 Мортыс кӧ сиӧм мусӧ кӧсъяс бӧр ньӧбны, сэки арталӧм доныс дінӧ мед содтас му доныслысь витӧд пайсӧ да бӧр ньӧбас сійӧс, и муыс бара лоӧ сылӧн.
Мортыс кӧ сиӧм пемӧссӧ кӧсъяс бӧр ньӧбны, сэки индӧм доныс дінӧ мед содтас пемӧс доныслысь витӧд пайсӧ.
Коді ассьыс керкасӧ сиас Господьлы, мед шыасяс поп дінӧ. Поп мед донъялас керкасӧ сы серти, бур-ӧ сійӧ. Кыдзи поп донъялас, сэтшӧм доныс и лоӧ.
Сиас кӧ мусӧ тшупӧда во кольӧм бӧрын, поплы колӧ артавны муыслысь донсӧ сы серти, кымын во кольӧ локтана тшупӧда воӧдз. Доныс сэки чинтыссьӧ.
Но сиӧм мусӧ кӧ бӧр оз ньӧб, а вузалас мӧдлы, сэки тайӧ мусӧ бӧр ньӧбны некор оз позь.
