11 Кыв сетан пемӧсыс кӧ пеж пемӧс, кодӧс оз позь вайны вись пыдди Господьлы, сэки сійӧс колӧ вайӧдны поп дінӧ.
Мӧд пемӧсӧн сійӧс вежны оз позь. Оз позь вежны бурсӧ лёк вылӧ, лёксӧ бур вылӧ. Но кыв сетысь кӧ сиӧм пемӧссӧ вежас мӧдӧн, сэки кыкнан пемӧсыс лоӧны вежаторйӧн.
Поп видзӧдлас, бур-ӧ сійӧ, да индас донсӧ. Кыдзи поп донъялас, сэтшӧм доныс и лоӧ.
Ёрӧма пӧръясьысьӧс, коді дзоньвидза ай пемӧссӧ кӧсйысьӧ вись пыдди вайны Господьлы, но вайӧ висьысьӧс. Тӧдӧй, Ме – ыджыд Ӧксы, – висьталӧ Господь Саваоф, – и Менам нимысь полӧны войтыръяс.
Энӧ вайӧй асланыд Господь Енлӧн керкаӧ кырсалӧм помысь босьтӧм сьӧм, медым збыльмӧдны кыв сетӧмнытӧ, ӧд кырсалысьяс зывӧкӧсь Господьлы, тіян Енлы.
