11 Ветымынӧд воыс тіян мед лоӧ тшупӧда во. Сэки энӧ кӧдзӧй. Няньсӧ, мый ачыс быдмас, энӧ вундӧй. Вундавтӧм вожъясысь виноградсӧ энӧ чукӧртӧй.
Со, Езекей, тэныд пас. Тайӧ вонас ті сёянныд усьӧм тусьясысь быдмӧм няньсӧ, мӧд вонас сёянныд, мый ачыс чужас, а коймӧд вонас кӧдзанныд да вунданныд, пуктанныд виноград пуяс да сёянныд налысь вотӧссӧ.
Ветымынӧд воыс мед лоӧ тіянлы вежа, сійӧ тшупӧда во. Сэки тіян муын став олысьыслы юӧртӧй мездлун йылысь. Быдӧн мед бӧр босьтӧ ассьыс мусӧ, бӧр локтӧ аслас чужанкотырыс дінӧ.
Тайӧ тшупӧда воыс мед лоӧ тіянлы вежа. Сёйӧй сӧмын сійӧ, мый ачыс быдмас.
Мортыс кӧ сиас ассьыс мусӧ тшупӧда воӧ, доныс кольӧ сэтшӧм жӧ, мыйта вӧлі индӧма.
