22 Быдӧн, коді инмӧдчылас кӧлуйӧ, мый вылын пукаліс ань, мед мыськалас паськӧмсӧ да ачыс тшӧтш мыссяс. Рытӧдзыс сійӧ лоӧ пеж.
Ті лоанныд пежӧсь, инмӧдчанныд кӧ пеж пемӧслӧн шойӧ. Инмӧдчысь рытӧдзыс лоӧ пеж.
Аньлӧн куйланінӧ инмӧдчысьлы колӧ мыськавны паськӧмсӧ да аслыс тшӧтш мыссьыны. Рытӧдзыс сійӧ лоӧ пеж.
Коді инмӧдчылас кӧлуйӧ, мый куйлӧ аньлӧн вольпасяс либӧ пуклӧсас, рытӧдзыс лоӧ пеж.
Ставыс, кытчӧ пеж морт инмӧдчылас, лоӧ пеж. Коді инмӧдчылас пежасьӧмтор дінӧ, сійӧ рытӧдзыс лоӧ пеж».
