36 Ва петанінын либӧ юкмӧсын ваыс кольӧ сӧстӧм, но коді инмӧдчас ваын куйлысь шой дінӧ, лоӧ пеж.
Ставыс, мый вылӧ усьӧ татшӧм шойыс, лоӧ пеж. Пачсӧ да горсӧ, мый вылӧ усьӧ татшӧм шойыс, колӧ жугӧдны, ӧд найӧ тіянлы пежӧсь.
Шойыс кӧ усяс кӧдзан кӧйдыс вылӧ, кӧйдысыс кольӧ сӧстӧм.
Сійӧ лунӧ Давид рӧдлы да Ерусалимын олысьяслы воссяс ва петанін, медым мыськавны найӧс мыжысь да пежысь.
Но Ме сета ва, и коді кутас юны тайӧ васӧ, сылӧн горшыс некор оз кут косьмыны. Ваыс, кодӧс Ме сета сылы, лоӧ сы пытшкын помтӧм олӧмӧ визувтысь дзулькйӧн».
