3 Тэнад гора гӧлӧс шыысь пышъясны войтыръяс. Кор Тэ кыпӧдчан, разаласны чужанкотыръяс.
Гажӧдчан шы улӧ Господь Ен пуксис юралан пуклӧсӧ, буксан шы улӧ Сійӧ пуксис юравны.
Коді пыртас менӧ изкарӧ? Коді вайӧдас менӧ Эдом муӧдз?
Енмӧй, мезды менӧ, ӧд ваыс пӧдтіс менӧ юрвывтыр.
ӧд найӧ пышйӧны шыпуртысь, пуртӧсысь перйӧм шыпуртысь, пышйӧны зэвтӧм ньӧввужйысь да чорыд тышысь.
Сійӧ, мый найӧ мырддялісны тыш дырйи, налысь йирасны лёльӧ моз, сы вылӧ уськӧдчасны саранча моз.
Юӧрт налы став тайӧ кывъяссӧ: Господь грымӧбтас выліинсянь, Сійӧ гораа горӧдас Аслас вежа оланінсянь, равӧстас Аслас муын олысьяс вылӧ. Виноград талялысь моз Сійӧ гораа горӧдас мувывса став йӧзыс вылӧ.
Му помӧдзыс кылас Господьлӧн горзӧмыс, ӧд Сійӧ пондас мыждыны войтыръясӧс. Сійӧ вайӧдас став йӧзсӧ ёрд водзӧ, сетас лёк вӧчысьясӧс шыпурт улӧ, – висьталӧ Господь.
