23 Весиг изъяс тэ дор лоасны, зверъяс кутасны овны тэкӧд лӧня.
Кӧин да баля пондасны ӧтвылысь йирсьыны, лев пондас ӧш моз турун сёйны, змей пондас пӧткӧдчыны муӧн. Некод оз кут лёксӧ вӧчны Менам вежа керӧс вылын, – висьталӧ Господь.
Ме кӧртала накӧд лӧньлун вайысь йитӧд, бырӧда зверъясӧс налӧн муысь, медым Менам ыжъясӧй вермисны повтӧг овны овтӧминын да узьны вӧрын.
Пуяс кутасны вайны вотӧс, муыс сетас ассьыс быдтас. Менам войтырӧй кутас повтӧг овны аслас му вылын. Ме жугӧда налӧн сьылі вылысь сийӧссӧ да мезда найӧс нартитысьяслӧн кипод улысь. Сэки найӧ тӧдмаласны, мый Ме – Господь.
Менам Енмӧй мӧдӧдіс Ассьыс анделсӧ, и сійӧ тупкис левъяслысь вомсӧ. Найӧ эз вермыны вӧчны меным лёксӧ, ӧд Ен водзас ме сӧстӧм, и тэ водзын, ӧксыӧй, ме нинӧмӧн эг мыжмы».
Сійӧ лунӧ Аслам войтырлы бур вылӧ Ме кӧртала йитӧд зверъяскӧд, енэжвыв лэбачьяскӧд да мувыв гаг-веглясьысьяскӧд. Ме чегъяла ньӧввуж-шыпуртъяс, ылыста налӧн муысь тышъяс да сета налы повтӧг овны.
Тіян муӧ Ме вая лӧнь олӧм. Воданныд узьны, и тіянӧс некод оз повзьӧд. Тіян муысь Ме ылыста зверъясӧс, сэні оз лоны тышъяс.
