11 коді пемӧслы дорысь миянлы унджык сетӧ гӧгӧрвоӧмлунсӧ, енэжвыв лэбачӧс дорысь миянӧс ёнджыка вежӧрсьӧдӧ».
Ен шуис: «Вӧчамӧй мортӧс Миян кодьӧн да Миян ногаӧн. Сійӧ мед ыджыдалас саридзса черияс да енэжвыв лэбачьяс вылын, мувыв пемӧсъяс вылын, мувыв гаг-веглясьысьяс вылын да став муыс вылын».
Господь Ен вӧчис муысь мортӧс, пӧльыштіс сылы ныр-вомас олӧмыслысь ловсӧ, и морт лоис ловъя олысьӧн.
Енсӧ-ӧ велӧдны мывкыдлунас, Сійӧс, коді весиг енэжвывса олысьясӧс мыждӧ?
Но ӧд морт пытшкас эм лов, Ставсӧвермысьлӧн лолыштӧмыс сетӧ сылы мывкыдлунсӧ.
Видзӧд, кутшӧм ыджыд Енлӧн выныс! Сюрас-ӧ Сы кодь велӧдысьыс?
Нелямын во чӧж Ме дӧзмывлі на вылӧ. Ме шуи: – Тайӧ войтырыс сьӧлӧмнас ылалӧма, Менсьым туйясӧс найӧ оз тӧдны.
Найӧ бергӧдісны Меланьӧ мышнысӧ, а эз чужӧмнысӧ. Ме выльысь и выльысь велӧдлі найӧс, но найӧ эз кывзыны, эз сибӧдны Менсьым туйдӧдӧмӧс.
Видзӧдлӧй енэжвыв лэбачьяс вылӧ: найӧ оз кӧдзны, оз вундыны, оз чукӧртны йӧртӧдъясӧ, но енэжвыв Батьныд вердӧ найӧс. Ті ӧмӧй наысь абу донаджыкӧсь?
