17 Ӧтнам ӧмӧй сёйлі ассьым няньӧс, эг ӧмӧй юксьывлы сыӧн батьтӧм-мамтӧмъяскӧд?
Мунӧй гортаныд да чӧскыда сёйӧй-юӧй. Юксьӧй сёян-юаннад накӧд, кодлӧн нинӧм абу дасьтӧма, ӧд тайӧ лунсӧ вежӧдӧма миян Господьлы. Энӧ шогсьӧй, ӧд Господь водзын нимкодясьӧм ёнмӧдӧ тіянӧс».
Мардокей быдтіс батьтӧм-мамтӧм Гадасса нима нылӧс – аслас дядьлысь нывсӧ. Гадассалӧн мӧд нимыс вӧлі Эсфир. Сійӧ вӧлі лӧсьыд мыгӧра да мича чужӧма ныв. Эсфирлӧн бать-мамыс кувлӧмаӧсь, та вӧсна Мардокей босьтӧма сійӧс ныв пыдди.
Кодлӧн горшыс косьмис, сійӧс ваӧн эн юктӧдлы, тшыгъялысьлы няньтор эн сетлы.
Том кадсянь ме вӧлі батьтӧм-мамтӧмъяслы бать кодьӧн, став олӧм чӧж тӧждыси дӧваяс вӧсна.
Ме кӧ кыпӧдлі киӧс батьтӧм-мамтӧм вылӧ, тӧдӧмӧн, мый менам эмӧсь дорйысьяс карса дзиръя дорын,
некодӧс оз дзескӧд, а бӧр сетӧ, мый босьтліс уджйӧзӧн сетӧмсьыс, сійӧ оз мырддяв, а тшыгъялысьӧс вердӧ да пасьтӧмӧс пасьтӧдӧ,
Сійӧ некодӧс оз дзескӧд, а бӧр сетӧ, мый босьтліс уджйӧзӧн сетӧмсьыс. Сійӧ оз мырддяв, а тшыгъялысьӧс вердӧ да пасьтӧмӧс пасьтӧдӧ.
Сетӧй корысьяслы, мый дозмук пытшкас. Сэки ставыс тіян лоӧ сӧстӧм.
Кодсюрӧ чайтісны, мый Исус тшӧктіс ньӧбны коланаторсӧ Ыджыд лун кежлӧ либӧ сетны мыйкӧ гӧльяслы, ӧд сьӧм кудйыс вӧлі Иуда ордын.
Эскысьяс ставныс вӧліны ӧти лолаӧсь да ӧти сьӧлӧмаӧсь. Некод ассьыс эмбурсӧ эз лыддьы асласӧн, ставыс налӧн вӧлі ӧтувъя.
Вежа войтырлы отсалӧй абутӧмлун дырйиныс, сибӧдӧй ветлысь-мунысьясӧс,
Тіян муын гӧль йӧзыс пыр лоасны, та вӧсна ме тшӧкта тіянлы лышкыда сетны гӧльяслы да коньӧръяслы, асланыд вокъяслы».
Сет сылы сьӧлӧмсяньыд аслад ыж-кӧза чукӧрсьыд, гумла вывсьыд, виноград пычканінсьыд пай. Ставсьыс, мыйӧн бурсиас тэнӧ Господь, тэнад Енмыд, чуктӧд сылы.
Мортыс кӧ видзӧ асьсӧ тайӧ мувывса пежсьыс, сійӧ кӧ тӧждысьӧ батьтӧм-мамтӧм челядь вӧсна да дӧваяс вӧсна налӧн сьӧкыдалігӧн – тайӧ эм Ен Бать водзын сӧстӧм да пежасьтӧм вежавидзӧм.
Вермас-ӧ Енлӧн муслуныс лоны сійӧ морт пытшкас, кодлӧн ставыс эм, но вокыслысь гӧльлунсӧ аддзигӧн сійӧ чорзьӧдӧ сьӧлӧмсӧ да оз отсав сылы?
